KAMINGAW

ang dag-om sa langit

ang ka-lunhaw sa sagbot

ang nangamatay nga gulay

sulod sa tamnanan sa iyang Mama

 

ang nagpula nga samad sa iyang bukton

ang kubalon nga kamot ug tiil

ang hugaw nga kuko tungod sa yuta

nga nisuksok sa matag usa niini

ang kahapdos sa iyang mata

murag gisabwagan ug tubig-asin

ang piklaton nga tiil sa mga samad

tungod sa kulata sa kamingaw

sa paghuwat sa usa ka gakos

gikan sa iyang Papa