Nibundak
ang ulan,
nagpatak-patak.
Dili nimo
madunggan
ang imong tingog.
Nabasa
ang semento.
Dangog.
Ngilngig
inig hikap nimo.
Gihikap
imong batiis,
abi nimo’g imong
manyakis nga silingan,
samtang ikaw nagalakaw,
giatangan
ka sa dalan.
Pagbunal sa kilat,
nasihagan
iyang nawong,
imong naklaro,
imo diay’ng amahan.
Nisulay kag sukol,
imong gisipa,
gisumbag,
apan
mas dako iyang braso,
mas dako iyang ugat,
mas dako iyang kumo.
0 comments:
Post a Comment