Kun-ot na iyang aping
apan wala’y bisan usang uwat.
Kun-ot na iyang agtang
apan wala tub-ig uban.
Daw uling iyang bukton
tungod sa pagdaro adlaw-adlaw,
apan puti gihapon iyang dughan
nga napailawman sa gisuot niyang bisti.
Gikalyo na iyang lapa-lapa
ug nagliki-liki ang iyang buolbuol,
apan wala muitom iyang kuko
bisan adlaw-adlaw motamak sa lapok.
Tastas na iyang pantalon
buslot na ang ilokan sa iyang bisti,
ug ang kamot nahilis na,
apan wala gyud nabuslot iyang bulsa.
0 comments:
Post a Comment